關於「多個學生多枝筆」藝術師徒計劃 (2020/21學年)

 

問 : 「夢同行-多個學生多枝筆」藝術師徒計劃嘅一年學額包括甚麼?

答: 學生將得到計劃贊助以可負擔學費參與獲配對的藝術導師在其畫室所在區域的常規藝術課程 (約每星期一次, 每次1-1.5小時),為期一學年(2020年9月至2021年6月)。同時成為「🏘️社區藝術之家 (深水埗)」開放藝術空間的會員,優先使用各式藝術物料工具及參與各項藝術大師班活動 (大部份費用全免),讓學員盡情揮灑創意!

問: 如何參加「多個學生多枝筆」藝術師徒計劃(2020/2021學年)?

答: 首先,完成報名程序3步曲:

第1步,填交報名表(報名表可於網頁www.dreamlanderhk.com下載或者直接進入此連結填寫電子表格);
第2步,完成「繪畫創意工作紙」(表格附頁);
第3步,提交3份自創藝術作品。

然後,如果獲我地甄選參加7月26日嘅「童闖夢的地」馬灣視覺藝術體驗營及面試日,就會喺7月收到我地嘅whatsapp通知。

最後,面試成功嘅學生可以跟配對導師洽商好上課時間及地點,就可正式參加為期1年嘅「夢同行-多個學生多枝筆」藝術師徒計劃。

 

問: 哪些小朋友可以參加?

答: 我地歡迎6至12歲就讀小學的小朋友報名。

 

問: 小朋友今年12歲、9月升讀中一,可唔可以報名?

答: 我地計劃嘅對象係就2020年就讀小學嘅小朋友,所以於2020年8月前就讀小六或K3畢業嘅同學都可以報名。

 

問: 計劃是否只限基層家庭參加?

答: 我地歡迎所有對藝術有熱誠的小朋友參加。唯考慮基層家庭相對缺乏資源及接觸藝術嘅機會,所以衡量小朋友藝術天份後,來自基層家庭的小朋友將會優先取錄。

 

問: 收費如何? 每月繳交還是要1次過交晒全部學費? 使唔使自己買畫筆畫簿? 

答: 我地係每月收費,學生唔需要自備畫具;每位學生嘅收費主要參考學生家庭經濟等情況而設定,基層家庭小朋友獲計劃贊助後參考學費如下:  

   

   

   

   

   

   

   

   

另外,如未能符合以上條件,但因家庭經濟困難而未能擔任以上學費,可whatsapp至56232627或電郵至dreamlander@playtao.com說明情況,再視需要考慮安排。

 

問: 如果中途有事可唔可以退出? 

答: 我地希望小朋友持續出席共10個月嘅藝術課程,不設中途退出機制;反過來,我地亦會持續跟進小朋友在課程的表現。如長期未能達標者(例如:出席率偏低,態度消極、經了解及反覆提示後仍未改善),我地會將其資格給予其他後補小朋友。退出嘅小朋友等同放棄資格,如希望重返本計劃則需要重新申請,所以申請/退出前請仔細考慮。


 

關於「多個學生多枝筆」藝術師徒計劃畫室及導師

 

問: 上課時間及地點點樣安排? 將來會唔會有其他選擇?

答: 現時共有以下5個區域的上課地點,並由駐場藝術導師與家長溝通確定上課時間:

        1. [西灣河] 香港西灣河太康街45號鯉景灣GB27-28號地下(逸康閣側)

       2. [觀塘] 觀塘鴻圖道45號宏光工業大樓12樓A2室

       3. [太子] 九龍窩打老道53-55號滙達中心 1 樓

       4. [深水埗] 九龍深水埗醫局街213號丰匯3座地下

       5. [沙田] 新界沙田隔田村南滘十八號二樓

另外,我地會繼續積極與各區設有畫室嘅藝術導師聯繫,希望進一步拓展其他區域方便更多小朋友參與。

 

問: 原本我跟太子嘅導師上堂,但我會搬去沙田,咁我可唔可以轉老師? 

答: 因為本計劃其一主要目的係通過穩定嘅師徒關係對小朋友作出指導,原則上我地唔建議轉換導師。但會視實際情況跟導師、學生及家長等各方面了解,喺可行嘅情況下為小朋友作出最好嘅安排。

 

問: 藝術導師的基本要求及理念是甚麼?唔同嘅藝術導師敎嘅嘢係唔係一樣? 

答: 我地會邀請於藝術界擁有5年以上經驗、授課時讓小朋友自由創作、關愛學生成長的藝術導師加盟。夢同行團隊會持續與各位導師聯繫,共同製作敎學指引,讓各區導師也能於建議框架下結合學生能力等情況因材施敎。

 

關於「童闖夢的地」馬灣視覺藝術體驗營暨面試日(7月26日)

 

問: 係咪交咗報名表就可以參加面試?

答: 除咗填好報名表資料,仲要完成報名表內嘅「繪畫創作工作紙」同埋交多3份自創藝術作品(可平面或立體,未曾公開參賽/參展);以上所有必須喺7月8日(最新截止日期)或之前提交比我地,就有機會入選參加面試(面試名額60人)。

 

問: 如果出席唔到7月26日嘅藝術體驗營,係唔係無得參加「多個學生多枝筆」藝術師徒計劃?

答: 我地希望學生盡可能參與藝術營。如合資格並獲邀出席7月26日藝術體驗營的申請者,最終於當日未能出席的話將列於「多個學生多枝筆」藝術師徒計劃之後補名單。

 

問: 可唔可以只參加7月26日藝術體驗營,但唔參加「多個學生多枝筆」藝術師徒計劃?

答: 7月26日藝術營係為有意參加「多個學生多枝筆」藝術師徒計劃嘅學生而舉行,並非單一藝術消閒活動,我地只會安排對藝術師徒計劃有強烈興趣嘅候選學生出席藝術營。 

 

問: 家長需要出席7月26日藝術體驗營嗎?

答: 學生必需連同一位家長參加7月26日的藝術體驗營,學生進行面試活動期間,我們會同時為家長安排工作坊。

常見問題 FAQ

© 2020 PLAYTAO DREAMLAND

  • Facebook